माओवादीको पदाधिकारी बैठक बस्दै

काठमाडौं । राष्ट्रिय सभा सदस्यको उम्मेवदार टुंग्याउन सत्तारुढ नेकपा माओवादी केन्द्रको पदाधिकारी बैठक बस्दैछ ।

बालुवाटारमा सत्ता गठबन्धनको बैठकले दलहरूले पाउने सीट संख्या टुंग्याएसंगै पदाधिकारी बैठक बस्न लागेको नेता देवेन्द्र पौडेलले जानकारी दिए ।

‘सत्ता गठबन्धन राष्ट्रिय सभाको सीट बाँडफाँडको अन्तिम तयारीमा छ । यो बैठकलगत्तै बालुवाटारमै माओवादीको पदाधिकारी बैठक बस्दैछ । बैठकले हामीले पाउने सीटमा उम्मेदवार तय गर्नेछ,’ उनले भने ।

सत्तारुढ दलको भागबन्डामा माओवादीले ६ सीट पाएको छ ।

आगामी माघ ११ गते हुने राष्ट्रिय सभा सदस्य निर्वाचनका लागि भोलि सातवटै प्रदेशमा उम्मेदवारी दर्ता हुँदैछ ।