नेपाल विज्ञापन संघको अध्यक्षमा सुदिप थापा

काठमाडौँ । नेपाल विज्ञापन संघको २४औ वार्षिक साधारण सभाले संघको ११औं केन्द्रीय कार्य समिति निर्वाचन गरेको छ ।

उक्त निर्वाचनमा कोषाध्यक्ष बाहेक अन्य पदाधिकारीहरू निर्विरोध निर्वाचित भएका छन् । साथै अन्य सात जना सदस्य पनि निर्वाचित भएका हुन् ।

संघका अनुसार नवनिर्वाचित अध्यक्ष सुदिप थापाको नेतृत्वमा १४ सदस्यीय कार्यसमिति निर्वाचित भएको छ ।

संघका पदाधिकारी तथा सदस्यहरूले आजै शपथ ग्रहण गरेका छन ।

सबै विज्ञापन क्षेत्रको प्रतिनिधित्व रहेको उक्त निर्वाचन कार्यसमिति तिन वर्षको लागि निर्वाचित भएको हो ।

यस्तै कार्यसमिति सदस्यमा अरुणकाजी स्थापित, रोशन रेग्मी, आरसी सन्तोष सिलवाल गिरी, दिपेन्द्र पौडेल, विधान राजभण्डारी, रोशन पौडेल, मनिस अधिकारी, र प्रभात रिमाल निर्वाचित भएका हुन् ।