सुपरकप’को उपाधिका लागि रियल म्याड्रिड र बार्सिलोना भिड्ने

काठमाडौं । बार्सिलोना स्पेनिस सुपर कपको फाइनलमा प्रवेश गरेको छ । साउदीमा भएको खेलमा बार्सिलोनाले ओसासुनालाई २-० ले हराउँदै फाइनलमा रियल म्याड्रिडसँगको भेट पक्का गरेको छ ।

आइतबार उपाधिका लागि रियल र बार्सिलोना प्रतिस्पर्धा गर्ने छन् । पहिलो हाफ गोलरहित बराबरी भएको खेलमा इल्की गुन्डोगानको पासमा रोबर्ट लेवान्डोस्कीले दोस्रो हाफमा बार्सिलोनालाई अग्रता दिलाएका थिए । लेवान्डोस्कील् ५९ औं मिनेटमा दुइ डिफेन्डरबिचबाट पहिलो बार चेप्दै गरेको प्रहार गोलमा परिणत भयो ।

खेलमा बार्सिलोनाले इन्जुरी समयमा अग्रता दोब्बर बनायो । जयो फेलिक्सको पासलाई यामलले गोल गर्दै टिमको जित निश्चित गरे । बार्सिलोनाले स्पेनिस सुपरकपको उपाधि कीर्तिमानि १४ पटक जितेको छ । जारी सिजन रियल उत्कृष्टमा रहेकाले रियल र बार्सिलोनाबिचको फाइनल रोमाञ्चक हुने आँकलन गरिएको छ । रियल लालिगाको शीर्ष स्थानमा रहँदा बार्सिलोना तेस्रो स्थानमा छ ।