एसियन कपमा जापानकाे विजयी सुरुवात

एएफसी एसियन कपमा जापानले भियतनामलाई हराउँदै विजयी सुरुवात गरेको छ।

आइतबार कतारको अल थुमामा रंगशालामा भएको समूह ‘डी’ को खेलमा जापानले भियतनामलाई ४(२ गोलले पराजित गरेको हो।
रोमाञ्चक खेलमा पहिलो गोल जापानले गरे पनि भियतनामले पछि २–१ को अग्रता बनाएको थियो।

मिनामिनोले खेलको ११ मिनेटमा गोल गर्दै जापानलाई पहिले अग्रता दिलाएका थिए।

तर भियतनामका डिह बाकले १६ र फाम हाइले ३३ मिनेटमा गोल गर्दै २–१ को अग्रता दिलाए।

पहिलो हाफमै जापान खेलमा फर्कियो। मिनामिनोले ४५ मिनेटमा बराबरी गोल फर्काए। नाकामुराले पहिलो हाफको इन्जुरी समयमा गोल गर्दै जापानलाई ३(२ को अग्रता दिलाए।

८५ मिनेटमा उइडाले चौथो गोल गर्दा जापानले सुखद सुरुवात गर्यो।