दक्षिण कोरिया जोर्डनसँग बराबरीमा रोकियो

एसियन कपको दाबेदार दक्षिण कोरिया समूह चरणको दोस्रो खेलमा जोर्डन विरुद्ध बराबरीमा रोकिएको छ । कतार स्थित अल थुमामा स्टेडियममा भएको खेल २–२ को बराबरीमा सकिएको छ ।

पहिलो खेलमा बहराइनलाई ३–१ ले हराएको कोरियाले जोर्डनविरुद्ध खेलमा सुरुवाती अग्रता भने लिएको थियो । नवौं मिनेटमा कप्तान सम ह्यूङ–मिनले पेनाल्टीमा गोल गर्दै टोलीलाई अग्रता दिलाएका थिए ।

पहिलो हाफको अन्त्यसम्म जोर्डनले पुनरागमन गर्दै अग्रता बनाएको थियो । ३७औं मिनेटमा योङ–वु पार्कले आत्मघाती गोल गरेपछि खेल बराबरी भएको थियो । पहिलो हाफको इन्ज्युरी समयमा याजान अल–नैमातले गोल गर्दै खेलमा जोर्डनलाई अग्रता दिलाए ।

याजान अबू अल–अरबले ह्वाङ इन–बियोमको प्रहार रोक्ने क्रममा बललाई आफ्नै जालीमा पठाएपछि कोरियाले खेलमा बराबरी गर्यो ।

जोर्डन र कोरिया दुई खेलमा समान ४ अंक भएको छ ।

प्रतिक्रिया

Leave a Reply

Your email address will not be published. Required fields are marked *