अघि बढ्यो लिभरपुल

काठमाडाैं । इंग्लिस प्रिमियर लिगमा आइतबार रातिको‌ खेलमा लिभरपुल विजयी भएको छ । लिभरपुलले बर्नमाउथ माथि ४-० को फराकिलो जित हासिल गरेको हो ।

लिभरपुलको जितमा डार्विन नुनेज र डियोगो जोटाले समान २ गोल गरे। पहिलो हाफमा धेरै अवसर सिर्जना गरेपनि गोल गर्न नसकेको लिभरपुलले सबै गोल दोस्रो हाफमा गर्यो ।

जित पछि लिभरपुलले पहिलो स्थानमा ५ अंकको अग्रता बनाएको छ । लिभरपुलको २१ खेलमा ४८ अंक छ भने एक खेल कम खेलेको दोस्रो स्थानको म्यानचेस्टर सिटीको ४३ अंक छ । बर्नमाउथ २० खेलमा २५ अंकसहित १२औं स्थानमा छ ।