क्यानडाविरुद्ध कुशल भुर्तेलले बनाए अर्धशतक, कप्तान र असिफ सेख आउट

काठमाडौँ । नेपालले क्यानडाविरुद्ध दोस्रो विकेट गुमाएको छ । टियू मैदानमा जारी खेलमा टस जितेर पहिला ब्याटिङ गरिरहेको नेपालले दुई विकेट गुमाएको हो ।

ओपनर असिफ सेख ८ रन बनाएर आउट हुँदा कप्तान रोहित पौडेल पनि ८ रनमा आउट भएका हुन् । अहिले भीम सार्की ब्याटिङका लागि आएका छन् ।

यसैबीच कुशल भुर्तेलले अर्धशतक बनाएका छन् । भुर्तेलले शानदार ब्याटिङ गर्दै ४४ बलमा आफ्नो अर्धशतक पुरा गरेका हुन् । यसक्रममा उनले ८ चौका र एक छक्का प्रहार गरेका छन् । एकदिवसीय क्रिकेटमा भुर्तेलको यो सातौं अर्धशतक हो ।

यो समाचार तयार गरुन्जेलसम्म नेपालले १५.१ ओभरमा २ विकेट गुमाएर ७४ रन बनाएको छ ।