नेपालले एकै ओभरमा लियो दुई विकेट, क्यानडालाई चौथो झट्का

क्यानडाविरुद्धको दोस्रो अन्तर्राष्ट्रिय ओडिआई खेलमा नेपालले चौथो सफलता हात पारेको छ । क्यानडाको चौथो विकेट पनि कप्तान रोहित पौडेलले लिएका हुन् ।

उनले क्यानडाका चौथो नम्बरका ब्याट्सम्यान निकोलस कीर्तनलाई २० रनको व्यक्तिगत स्कोरमा विकेटकिपर आसिफ शेखद्वारा स्टम्पिङ गराएका हुन् । निकोलस कीर्तनले पेभेलियन फर्किनुअघि २९ बलमा दुई चौका हिर्काएका थिए ।

यसअघि उनले तेस्रो नम्बरका ब्याट्सम्यान परगत सिंहलाई ३८ रनको व्यक्तिगत स्कोरमा सोमपाल कामीद्वारा क्याच गराए । परगतले पेभेलियन फर्किनुअघि ३८ बलमा ६ चौका हिर्काए ।

टस जितेर पहिला ब्याटिंग गरिरहेको क्यानडाले यो समाचार तयार गरुन्जेल क्यानडाले ३४ ओभरमा ४ विकेट गुमाउँदै १८८ रन बनाएको छ ।