एथलेटिक्सका दीपक अधिकारी ‘वर्षको उत्कृष्ट पुरुष खेलाडी’

एथलेटिक्सका दीपक अधिकारी एसियाली क्रसकन्ट्री दौडमा दुई स्वर्ण तथा घरेलु प्रतियोगितामा तीन स्वर्ण र एक रजत पदक विजेता खेलाडी हुन् ।

उनले १६औं एसियाली क्रसकन्ट्रीमा पुरुष १० किमिमा स्वर्ण र सोही प्रतियोगिताको पुरुष टिम इभेन्टमा स्वर्ण जितेका थिए ।

उनले नवौं राष्ट्रिय खेलकुदमा पुरुष १० किमिमा राष्ट्रिय कीर्तिमानसहित स्वर्ण जितेका थिए ।

उनले दोस्रो राइट टु प्रोटिन, प्रधानसेनापति कप र लुम्बिनी हाफ म्याराथनमा स्वर्ण पदक जितेका थिए । उनले कान्तिपुर हाफ म्याराथनमा रजत पदक पनि हात पारेका थिए ।