नेपाललाई नेदरल्यान्ड्सको १३८ रनको लक्ष्य

काठमाडौँ । नेदरल्यान्ड्सले नेपाललाई १३८ रनको लक्ष्य दिएको छ ।

आईसीसी क्रिकेट विश्वकप लिग २ अन्तर्गत भएको खेलमा नेदरल्याण्ड्स नेपालसंग ३९ ओभरमा १ सय ३७ रनमा आलआउट भएको हो ।

नेदरल्याण्ड्सलाई अल आउट गर्ने क्रममा कुशल भुर्तेलले ४ विकेट , ललित राजवंशीले १० ओभरमा ३२ रन खर्चिएर २ विकेट, सोमपाल कामी र कप्तान रोहित पौडेलले समेत एक विकेट लिए ।

नेदरल्याण्ड्सको इनिङ्समा कप्तान स्कट एडवर्डसले सर्वाधिक ३३ रन बनाए भने बास डी लिडे २७ र साइब्रान्ड एनगेलब्रेक्टले २३ रन बनाए । अन्य ब्याटरको प्रर्दशन उल्लेख्य रहेन सकेन् ।

दुवै टिम सन् २०२७ को विश्वकप छनोटको रुपमा रहेको लिग टूको प्रतिस्पर्धा गरिरहेका छन् ।