नेपाललाई पहिलो ओभरमै ठूलो सफलता, करनले लिए दुई विकेट

काठमाडौं । जारी त्रिकोणात्मक टी-२० क्रिकेट सिरिजमा नेदरल्याण्ड्सविरुद्ध नेपालले दोस्रो विकेट लिएको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा नेपालका लागि करन केसीले पहिलो ओभरमै दुई विकेट लिएका हुन् ।

उनले नेदरल्याण्ड्सका माइकल लेभिटलाई ४ रन र साईब्राण्ड एन्ग्लब्रेचलाई शून्य रनमा आउट गरेका हुन् । नेदरल्याण्डसले टस जितेर नेपाललाई बलिङको निम्तो दिएको हो ।

यसअघि सम्पन्न खेलमा नेदरल्याण्डससँग २ रनले र नामिबियासँग २० रनले पराजित भएको थियो भने नेदरल्याण्डसले २ खेलमा एक जित हासिल गरेको छ । फाइनलमा पुग्न दुवै देशले यो खेल जित्न आवश्यक रहेको छ । नेपालले आज एक परिवर्तन गरको छ । आज अनिल शाहको ठाउमा कुशल भुर्तेललाई टिम समावेश गरिएको छ ।