नेदरल्याण्ड्स र नामिबियाबीच भोलि हुने खेल निशुःल्क हेर्न पाइने

त्रिकोणात्मक टी(२० आई सिरिज अन्तर्गत भोलि हुने नेदरल्याण्ड्स र नामिबियाबीचको खेल निःशुल्क हेर्न पाइने भएको छ। नेपाल क्रिकेट संघले भोलि हुने खेल हेर्न त्रिवि मैदान आउने दर्शकले टिकट काट्न नपर्ने र शुल्क पनि नलाग्ने जनाएको हो।

यी दुई टोलिको खेलमा दर्शन नै नगएपछि क्यानले निशुल्क गर्ने निर्णय गरेको हो। यसअघिका सबै खेल हेर्न दर्शकहरूले टिकट लिनुपर्ने व्यवस्था थियो।

नेदरल्याण्ड्स र नामिबियाबीचको खेल भोलि बिहान साढे ११ बजेबाट सुरू हुनेछ। नेपाल भने आजको खेल जितेसँगै फाइनल पुगिसकेको छ।

नेदरल्याड्सको हारे पनि फाइनल पुग्ने सम्भावना छ भने नामिवियाको फराकिलो अन्तरले जित्नै पर्ने बाध्यता छ। नामिविया नेटरनरेटमा पछाडी रहँदा र नेदरल्याण्ड्स पनि नेपालभन्दा थोरै मात्र अगाडी रहँदा नेपालको फाइनल सुरक्षित भएको हो।

फाइनल मंगलबार हुने छ।