सिटी र आर्सनलले गोलरहित बराबरी खेल्दा जित निकालेको लिभरपुललाई फाइदा

काठमाडौं । इंग्लिश प्रिमियर लिग अन्तर्गत यस सिजनका दुई दावेदार टोली म्यानचेस्टर सिटी र आर्सनलले गोलरहित बराबरी खेलेका छन् । सिटीको घरेलु मैदान एटिहाड स्टेडियममा भएको खेलमा दुवै टोलीले गोलरहित बराबरी खेलेका हुन् ।

यो बराबरी भने लिभरपुलका लागि फाइदाजनक सावित भएको छ । आइतबार नै भएको खेलमा ब्राईटन विरुद्ध पुनरागमन जित दर्ता गर्दै लिभरपुल शीर्ष स्थानमा उक्लिएको छ ।

शीर्ष स्थानमा रहेको लिभरपुलको २९ खेलमा ६७ अंक भएको छ । दोस्रो स्थानमा रहेको आर्सनलको २९ खेलमा ६५ अंक छ भने म्यानचेस्टर सिटीको २९ खेलमा ६५ अंक सहित तेस्रो स्थानमा छ ।