ललितपुर महानगरपालिकाद्वारा पाठेघरको मुखको क्यान्सरको प्रारम्भिक परीक्षण सुरु

काठमाडौँ । ललितपुर महानगरपालिकाले वैशाख १२ गतेदेखि पाठेघरको मुखको क्यान्सरको प्रारम्भिक परीक्षण (स्क्रिनिब) सेवा सुचारु गर्ने भएको छ ।

बुधवार प्रेस विज्ञप्ति जारी गर्दै ललितपुर महानगरपालिकाले उक्त जानकारी दिएको हो ।

गत वर्ष देखी नै आफ्नै साधन स्रोत परिचालन गरी ३० देखि ६० वर्ष उमेर समूहका १३०० महिलाहरूको HPV DNA विधिबाट ८ वटा वडाहरूमा प्रारम्भिक परीक्षण तथा उपचारको पहल गर्दै आएको ललितपुर महानगरपालिकाले आर्थिक वर्ष २०८०/२०८१ मा थप २९ वटै वडाहरूमा यो सेवा प्रदान गर्ने भएको हो ।

जनचेतना र स्क्रिनिबका साथसाथै उपचार गर्नुपर्ने अवस्थाका महिलाहरूलाई नेपाल क्यान्सर केयर फाउन्डेसनको प्राविधिक सहयोगमा महानगरपालिकाले निशूल्क उपचार सेवा समेत प्रदान गर्ने भएको छ । पाठेघरको मुखको क्यान्सरको प्रारम्भिक परीक्षण तथा उपचार सबैको पहुँचमा पु्र्याइ जनचेतना बढाउने उद्देश्यले यो योजनाको सुरुवात गरिएको ललितपुर महानगरपालिकाका प्रवक्ता राजु महर्जनले बताए ।

ललितपुर महानगरपालिकामा गरिने पाठेघर मुखको क्यान्सरको प्रारम्भिक परीक्षण HPV DNA प्रविधिबाट हुनेछ । नेपाल क्यान्सर केयर फाउन्डेसनका निर्देशक तथा क्यान्सर रोग विशेषज्ञ डा.सरिता घिमिरेका अनुसार पाठेघरको मुखको क्यान्सरको प्रारम्भिक परीक्षण (स्क्रिनिब) गर्नका लागि संसार भरिमै हाल उपलब्ध विभिन्न विधिहरू जस्तै Pap Smear, VIA  भन्दा HPV DNAविधि सबैभन्दा प्रभावकारी विधि हो ।

नेपाल क्यान्सर केयर फाउन्डेसनको आँकडा अनुसार महिलाहरूमा हुने क्यान्सर मध्ये स्तन र पाठेघरको क्यान्सर सबैभन्दा बढी मात्रामा देखिएको र पाठेघरको क्यान्सरबाट पूर्ण रूपले बच्न सकिने तथा स्तन क्यान्सरको प्रारम्भिक चरणमै थाहा पाउन सकिने भएको हुनाले यी जाँचहरू नियमित रुपमा गर्नुपर्ने आवश्यकता रहेको डा। घिमिरेले बताए ।

सन् २०३० सम्म ३० वर्षमाथिका महिलाहरूमध्ये नब्बे प्रतिशत (९0%) को पाठेघरको मुखको क्यान्सरको ‘स्क्रिनिब’ गर्ने दिगो विकास लक्ष्य प्राप्तिका लागि र विश्व स्वास्थ्य सङ्गठनको सिफारिस अनुसार नेपाल सरकारले आ।ब २०८०/२०८१ मा कोशी, मधेश , बागमती र लुम्बिनीका ८ वटा जिल्लाका १४ स्थानीय तहबाट HPV DNA विधिबाट पाठेघरको मुखको क्यान्सर स्क्रिनिब सेवा Pilot Project को रुपमा सुरुवात गरिसकेको छ ।

नेपाल सरकारले आगामी आर्थिक वर्षमा सातै प्रदेशमा यो सेवा विस्तार गर्ने योजना बनाएको छ । यद्यपि, HPV DNA विधि बाट पाठेघरको मुखको क्यान्सरको स्क्रिनिब सेवा लागू नभएका स्थानीय तहहरूमा VIA विधिबाट नै नियमित रुपमा पाठेघरको मुखको क्यान्सरको स्क्रिनिब गरिने जनाएको छ ।

सरकारले यसै वर्षको अन्त्य सम्ममा ४५००० भन्दा बढी महिलाहरूको HPV DNA विधिबाट स्क्रिनिब गर्ने लक्ष्य लिएको छ भने आगामी वर्षमा स्क्रिनिब सेवालाई बढाउँदै लैजाने योजना बनाएको स्वास्थ्य तथा जनसङ्ख्या मन्त्रालय, स्वास्थ्य सेवा विभाग, परिवार कल्याण महाशाखाका प्रमुख डा. विवेक कुमार लालले बताए ।