अमेरिकाको टेक्सासमा बाढी : एकको मृत्यु, १ घाइते

काठमाडौँ । टेक्सासमा बाढीले बगाउँदा एक युवकको मृत्यु भएको छ । एक महिला घाइते भएको जनाइएको छ । एक तिहाइ भन्दा बढी काउन्टीहरूले गत हप्तामा भारी वर्षाको कारण राज्यमा विपद् घोषणाहरू जारी गरेका थिए ।

आइतबार साँझसम्म, ह्युस्टन क्षेत्रसहित टेक्सासभरि २१ लाख भन्दा बढी मानिस बाढीको चपेटामा परेका थिए । गत हप्तादेखि हजारौं मानिसहरू विस्थापित भएका छन् । सयौँ घरपालुवा जनावरहरूसहित अनुमानित १ हजार मानिसहरूलाई बाढी क्षेत्र र सडकबाट उद्धार गरिएको छ । मध्य टेक्सासदेखि उत्तरमा डलास–फोर्ट वर्थ क्षेत्रसम्म, आँधीले आइतबार राति ६ देखि ८ घण्टामा ९ इन्च (२३ सेन्टिमिटर) बाढी आएको छ ।