बजेटसँग तादात्म्यता मिल्ने र कार्यान्वयनमा जाने गरी नीति तथा कार्यक्रम आयाे- डा.स्वर्णिम वाग्ले

उनले भने,‘सरकारले ल्याएको नीति तथा कार्यक्रम डिपार्चर प्रस्थान गर्ने खालको आएको छ । विगतमा कार्यक्रममा ठुला कुरा गर्ने बजेटमा तादात्मयता नहुने र कार्यान्वयनमा जाँदै नजाने कर्मकाण्डमा सीमित थियो । यो वर्ष ठुला कुरा नगरौँ तर क्रमिक सुधारहरू (इङक्रिमेन्टल रिर्फम)हरू हरेक मन्त्रालयमा गरेर हेरौँ भन्ने बिउ सबै मन्त्रालयमा राखेको पाए । दर्शनौं क्रमिक सुधारहरूका बिउ यसपालि राखिएका छन् । त्यो भनेको बजेटसँग मिल्ने सम्भावना बढेको छ । बजेटमा सम्बोधन हुने देखिएकाले कार्यान्वयनमा जाने सम्भावना देखिएको छ । विगत ३२ वर्षमा सबै भन्दा बढी शासन गरेको पार्टीले नीति तथा कार्यक्रम पुरानै शैली भन्नु भनेको आफ्नो कमजोरीको स्वीकार युक्ति हो । नीति तथा कार्यक्रमले अर्थतन्त्र सुधार गर्ने जग बसालेको छ । नीति तथा कार्यक्रममा टेकेर बजेट आउँदैछ ।’

वाग्ले अर्थतन्त्र सुधार गर्ने जग बसालेकाले नीति तथा कार्यक्रममा टेकेर बजेट आउने विश्वास व्यक्त गरे ।