चाहत फतेह अली खानको भाइरल गीत ‘बदो बदि’ युट्युबबाट हटाइयो

काठमाडौँ । पाकिस्तानी गायक चाहत फतेह अली खानले गएका गीत ‘बदो बदि’ गीत युट्युबले हटाएको छ । २ करोड ८० लाख  भ्युज पाएको यस गीतको भिडिओलाई युट्युबले डिलिट गरेको हो ।

अहिले युट्युबमा सर्च गर्दा उनको ‘बदो बदि’ गीत भेटिदैन् ।

भारतीय सञ्चारमाध्यम इन्डिया टुडेका अनुसार यो गीत नूर जहाँको फिल्मको ओरिजिनल गीतको नक्कल भएको बताइएको छ ।

पछिल्लो समय उनको यो गीत एकदमै भाइरल बनेको थियो । उनको यस गीतमा सकारात्मक भन्दा पनि नकारात्मक टिप्पणीहरू धेरै आएका थिए ।

उक्त गीतमा धेरै मिमहरू समेत बनेका थिए ।