कराते खेलाडी एरिकासँग शिरिष फाउण्डेसनको एक वर्षे सम्झौता
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार ४ गते
![कराते खेलाडी एरिकासँग शिरिष फाउण्डेसनको एक वर्षे सम्झौता](https://www.makalukhabar.com/wp-content/uploads/2024/06/erika-mk.png)
काठमाडौँ । चीनको हान्चाउमा सम्पन्न १९ औं एसियाली खेलकुदमा ऐतिहासिक रजत पदक विजेता कराते खेलाडी एरिका गुरुङ र शिरिष फाउण्डेसनबीच सम्झौता भएको छ ।
मंगलवार काठमाडौंमा एक कार्यक्रमबीच फाउण्डेसनले एरिकासँग एक वर्षका लागि सम्झौता गरेको हो ।
फाउण्डेसनका अध्यक्ष शिरिष गुरुङ र एरिकाले सम्झौता पत्रमा हस्ताक्षर गरिन् । सम्झौतासँगै एरिकाले एक वर्षसम्म मासिक १५ हजार रुपैयाँ, खेल सामग्री र प्रदर्शनको आधारमा थप प्रोत्साहन पुरस्कार प्राप्त गर्नेछिन् ।
पौडीको एक सफल खेलाडीका रुपमा रहेका शिरीष गुरुङको नाममा उक्त फाउन्डेसन सन् २०१७ मा स्थापना भएको हो । एरिका फाउन्डेसनसँग जोडिने तेस्रो खेलाडी हुन् । यसअघि फाउण्डेसनले बक्सिङकी सुष्मा तामाङ र उसुकी निमा घर्तीमगरसँग सम्झौता गरेको थियो ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार ४ गते
प्रतिक्रिया
सम्बन्धित