रौतहटमा सहकारीका कर्मचारीलाई गोलि प्रहार गरेर लुटपाट गर्न खोज्ने भारतीय पक्राउ

प्रहरीले अनुसन्धानको क्रममा घटनामा संलग्न अभियुक्तहरू सीमावर्ती भारत बिहार राज्य मोतिहारी जिल्ला पूर्वी चम्पारण घोडाहसनमा सक्रिय रहेको बाबा ग्याङ नामको आपराधिक समूहमा आबद्ध रहेको व्यक्तिहरूसँग साँठगाठ रहेको निष्कर्ष निकालेको थियो।

उनीहरू भारत र नेपालको सीमावर्ती इलाकामा लुटपाट, भारतीय सामानको तस्करीमा सक्रिय रहेको प्रहरीको अनुसन्धानबाट खुलेको प्रहरीले जनाएको छ।

गत असार २ गते साँझ साढे ५ बजेको समयमा  मौलापुर ७ बाट घरेलु कटुवा पेस्तोल  १ थान ,गोली राउन्ड २  थान समेत भारतीय नागरिक जैसवाललाई पक्राउ गरिएको डिएसपी गिरीले जानकारी दिइन्

जैसवालमाथि हातहतियार तथा खरखजना, चोरी तथा डाँका र ज्यान मार्ने उद्योग मुद्दा दर्ता गरी रौतहट जिल्ला अदालतबाट म्याद थप थपेर अनुसन्धान भइरहेको जिल्ला प्रहरी कार्यालय रौतहटले उल्लेख गरेको छ।