दक्षिण कोरियाको ब्याट्री प्लान्टमा आगलागी, २० भन्दा बढी शव फेला

काठमाडौं । दक्षिण कोरियाको ब्याट्री प्लान्टको आगलागी साइटमा २० भन्दा बढी शव फेला परेका छन् । जसमा २३ जना कामदार फसेको बताइएको छ ।

स्थानीय समय अनुसार बिहान १०ः३१ बजे राजधानी सियोलबाट ४५ किलोमिटर दक्षिणमा रहेको ह्वासेङमा रहेको प्राथमिक ब्याट्री प्लान्टमा आगलागी भएको हो ।

ड्युटीमा खटिएका संयुक्त ६७ जना कामदारमध्ये आगो निभाउन नसकेका कारण २३ जना कामदारको मृत्यु भएको अनुमान गरिएको छ । दिउँसो ३ः१० बजे आगो निभाएपछि अग्निनियन्त्रकहरूले कारखाना भित्र गएर सम्भावित पीडितको खोजी गरेका थिए ।

दमकलले १५९ दमकल र ६३ थान उपकरण परिचालन गरे पनि लिथियम ब्याट्रीको आगो निभाउन कठिनाई भएको बताएका छन् ।

लगभग ३५ हजार लिथियम ब्याट्रीहरू तीन तले प्रवलित कंक्रीट कारखानाको दोस्रो तल्लामा जम्मा २३ सय वर्ग मिटर वा सो क्षेत्रफलमा भण्डारण गरिएको अनुमान गरिएको छ ।

आन्तरिक खोजी कार्यअघि नै हृदयघातको कारण एक जनाको मृत्यु भएको थियो । अन्य दुईजना गम्भीर घाइते भएका छन् भने चारजनालाई धुवाँले निस्सासिएर सामान्य चोटपटक लागेको छ ।