खस्कियो अलराउण्डर दीपेन्द्रसिंह ऐरीको वरीयता
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार १२ गते
![खस्कियो अलराउण्डर दीपेन्द्रसिंह ऐरीको वरीयता](https://www.makalukhabar.com/wp-content/uploads/2024/04/dipendra-mk.jpg)
काठमाडौँ । यसअघि आईसीसीको वरीयतामा छैटौँ स्थानमा रहेका नेपाली अलराउण्डर दीपेन्द्रसिंह ऐरीको वरीयता खस्किएको छ ।
अन्तरराष्ट्रिय क्रिकेट परिषद् (आईसीसी)ले आज सार्वजनिक गरेको टी–२० अलराउण्डरतर्फको नयाँ वरीयतामा उनी एक स्थान तल झरेका छन् । यसअघि छैटौँ वरीयतामा रहेका ऐरी नयाँ वरीयतामा सातौँ स्थानमा आइपुगेका छन् ।
वरीयताको शीर्ष स्थानमा श्रीलंकाका वानिन्दु हसरंगा रहेका छन् । दोस्रो स्थानमा अफगानिस्तानका मोहम्मद नाबी रहँदा तेस्रो स्थानमा भारतका हार्दिक पाण्ड्या रहेका छन् ।
टी–२० को ब्याटिङतर्फ भने दीपेन्द्रको वरीयता ४६ औँ स्थानमा यथावत नै रहेको छ।
ब्याटिङतर्फ रोहित पौडेल ६१ औँ तथा आशिफ शेख ७० औँ स्थानमा यथावत रहेका छन् ।
बलिङतर्फ सोमपाल कामी ९१ औँ स्थानमा यथावत रहँदा दीपेन्द्र एक स्थान खस्कँदै ९७औँ स्थानमा झरेका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार १२ गते
प्रतिक्रिया
सम्बन्धित