कम्युनिष्टहरुको बीचमा एकता हुन आवश्यक छ : उपाध्यक्ष ज्ञवाली
![](https://www.makalukhabar.com/wp-content/uploads/2023/10/Final-icon-Logo-2023.png)
![कम्युनिष्टहरुको बीचमा एकता हुन आवश्यक छ : उपाध्यक्ष ज्ञवाली](https://www.makalukhabar.com/wp-content/uploads/2024/06/youbraj-mk.png)
काठमाडौं । नेकपा एमालेका उपाध्यक्ष युवराज ज्ञवालीले कम्युनिष्टहरुको बीचमा एकता हुन आवश्यक रहेको बताएका छन् ।
शनिवार काठमाडौंमा पुष्पलाल जन्म शताब्दी समारोहलाई सम्बोधन गर्दै उनले यस्तो बताएका हुन् । उनले कम्युनिष्ट एकता देशका लागि धेरै महत्वपूर्ण रहेको बताए ।
उनले कम्युनिष्टहरुको बीचमा एकता नभइ देश समृद्ध बन्न नसक्ने बताए । उनले देशको राजनीति र विशेषताले देशमा भएका सबै राजनीतिक दलहरु मिल्नुपर्ने देखाएको बताए ।
उनले सबै कम्युनिष्ट राजनीतिक दलहरुको उद्देश्य देशलाई अघि बढाउने भएकाले सबै एक् भएर अघि बढ्न आवश्यक रहेको बताए । उनले कम्युनिष्टहरु फुटेर नभए जुटेर अघि बढ्न आवश्यक रहेको बताए ।
उनले नेपाली जनता, राजनीतिक पार्टी, कम्युनिष्टहरु एकतावद्ध भएर जाने हो भने संसारका कुनैपनि तागतले केही गर्न नसक्ने बताए ।
उपाध्यक्ष ज्ञवालीले कम्युनिष्टका अगाडि अहिले धेरै ठूला चुनौति र सम्भावनाहरु रहेको बताए ।
![](https://www.makalukhabar.com/wp-content/uploads/2023/10/Final-icon-Logo-2023.png)