कोपा अमेरिकाको समूह चरणमा अर्जेन्टिनाको शत प्रतिशत जित
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार १६ गते
![कोपा अमेरिकाको समूह चरणमा अर्जेन्टिनाको शत प्रतिशत जित](https://www.makalukhabar.com/wp-content/uploads/2024/06/arg-1.png)
काठमाडौँ । अर्जेन्टिनाले कोपा अमेरिकामा लगातार तेस्रो जित हासिल गरेको छ । आइतबार सम्पन्न समूह चरणको अन्तिम खेलमा अर्जेन्टिनाले पेरुलाई २-० गोल अन्तरले पराजित गर्दै प्रतियोगितामा लगातार तेस्रो जित हासिल गरेको हो ।
अर्जेन्टिनाको जितमा लाउतारो मार्टिनेजले दुवै गोल गरेका थिए । उनले खेलको ४७औ र ८६औँ मिनेटमा गोल गरेका थिए । उनको यस कोपामा कुल चार गोल गरेका छन् ।
यो जितपछि अर्जेन्टिनाले समूह ए’मा ३ खेलमा ९ अंक हासिल गर्दै शीर्ष स्थानमा रहँदै क्वाटरफाइनलमा पुगेको छ । साबिक विजेता अर्जेन्टिना शत प्रतिशत नतिजासहित समूह विजेता पनि बनेको हो ।
समूह ए’बाट क्यानडा क्वाटरफाइनलमा पुगेको छ । समूह चरणको अन्तिम खेलमा क्यानडाले चिलीसँग गोलरहित बराबरी खेलेसँगै समूहमा दोस्रो हुँदै क्वाटरफाइनलमा पुगेको छ । यो सँगै समूह ए’बाट चिली र पेरु दुवै बाहिरिएका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ असार १६ गते
प्रतिक्रिया
सम्बन्धित