आफ्नै नेतृत्वमा सरकार बनाउने निर्णय गर्दा पनि एमालेले किन फिर्ता बोलाएन मन्त्री

नेकपा एमालेका अध्यक्ष केपी शर्मा ओलीको नेतृत्वमा सरकार बनाउने प्रमुख दुई दलले सहमती गरिसकेका छन्।

सोमबार रातिथ नै यस्तो सहमती गरेको एमालेले मंगलबार आफ्ना मन्त्रीहरुलाई भने फिर्ता बोलाएको छैन। बरु उसले प्रधानमन्त्रीलाई राजीनामा दिनका लागि १४ घण्टाको समय दिएको छ।

नेकपा एमालेले सरकारमा रहेका पार्टीका मन्त्रीहरूलाई तत्काल फिर्ता नबोलाउने निर्णय पनि मंगलबार गरेको हो। मंगलबार बसेको एमाले सचिवालय बैठकले सरकारमा सहभागी पार्टीका मन्त्रीलाई तत्काल फिर्ता नबोलाउने निर्णय गरेको हो ।

बैठकपछि बोल्दै एमाले पार्टी उपमहासचिव प्रदीप ज्ञवालीले मन्त्री तत्काल फिर्ता नबोलाउने जानकारी दिएका हुन् । उनले एमालेले प्रधानमन्त्री पुष्पकमल दाहालले आफूहरुसँग छलफल नगरी प्रमुख प्रतिपक्ष दल नेपाली कांग्रेससँग राष्ट्रिय सहमतिको सरकार बनाउने प्रश्ताव गरेपछि एमाले र कांग्रेस मिलेर सरकार बनाउने सहमति भएको बताए ।

उनले एमालेले प्रधानमन्त्री पुष्पकमल दाहाल प्रचण्डले आफूहरूसँग छलफल नगरी प्रमुख प्रतिपक्ष दल नेपाली कांग्रेससँग राष्ट्रिय सहमतिको सरकार बनाउने प्रस्ताव गरेपछि एमाले र कांग्रेस मिलेर सरकार बनाउने सहमति भएको बताए ।

यस्तै एमालेले बुधबारसम्म राजीनामा दिन प्रधानमन्त्री प्रचण्डलाई आग्रह गरेको छ । एमालेले सरकारमा सहभागी हुन सबै दललाई आह्वान पनि गरेको छ ।

यदी प्रधानमन्त्रीले बुधबार राजीनामा नदिएमा मन्त्री फिर्ता गर्ने र समर्थन फिर्ता लिने निर्णय गरेको छ।