कांग्रेसले पनि माग्यो बागमतीका मुख्यमन्त्री जम्कट्टेलको राजीनामा
![](https://www.makalukhabar.com/wp-content/uploads/2023/10/Final-icon-Logo-2023.png)
![कांग्रेसले पनि माग्यो बागमतीका मुख्यमन्त्री जम्कट्टेलको राजीनामा](https://www.makalukhabar.com/wp-content/uploads/2024/07/salikram-mk.png)
काठमाडौँ । नेपाली कांग्रेसले बागमती प्रदेशका मुख्यमन्त्री शालिकराम जम्कट्टेलको राजीनामा मागेको छ ।
नेकपा एमालेले सरकारलाई दिएको समर्थन समेत फिर्ता लिएपछि सरकार अल्पमतमा परेको भन्दै कांग्रेसले मुख्यमन्त्री जम्कट्टेलको राजीनामा मागेको हो ।
बागमती प्रदेश कांग्रेस संसदीय दलका नेता बहादुर सिंह लामाले आज एक विज्ञप्ति जारी गर्दै सरकार अहिले कामचलाउको हैसियतमा पुगेको र सो अवस्थामा सरकारले कुनै महत्त्वपूर्ण निर्णय नियुक्ति र त्यस प्रकृतिको अन्य कार्यहरू गर्नु नैतिकताको हिसाबले पनि उपयुक्त नहुने बताएका छन् ।
विज्ञप्तिमा मुलुकको बदलिँदो राजनीतिक परिवेशमा राजनीतिक स्थायित्व र संविधानमा समयानुकूल संशोधन गर्न सङ्घ र सात वटै प्रदेशहरूमा सहमतिको सरकार गठन गर्ने सङ्कल्पका साथ पहिलो र दोस्रो पार्टी नेपाली कांग्रेस र नेकपा एमालेबिच जन अपेक्षित नयाँ समीकरण निर्माण भएको उल्लेख छ ।
केन्द्रमा कांग्रेस र एमालेबिच भएको सहमति अनुसार बागमतीमा सरकारको नेतृत्व कांग्रेसले गर्नेछ ।
![](https://www.makalukhabar.com/wp-content/uploads/2023/10/Final-icon-Logo-2023.png)