६५ यात्रु थिए दुई बसमा, ३ जनाले हामफालेर ज्यान जोगाए (तस्बिरहरु)
![](https://www.makalukhabar.com/wp-content/uploads/2023/10/Final-icon-Logo-2023.png)
![६५ यात्रु थिए दुई बसमा, ३ जनाले हामफालेर ज्यान जोगाए (तस्बिरहरु)](https://www.makalukhabar.com/wp-content/uploads/2024/07/muglin-pahiro-8.png)
काठमाडौं । चितवनको मुग्लिन-नारायणगढ सडकखण्डमा पहिरोले दुईवटा यात्रु बसलाई बगाएर त्रिशूली नदीमा खसालेको छ ।
वीरगञ्जबाट काठमाडौंतर्फ गइरहेको बागमती प्रदेश १५१६ नम्बरको एन्जल डिलक्स लेखेको बस र काठमाडौंबाट गौरतर्फ जाँदै गरेको नम्बर नखुलेको गणपति डिलक्स लेखेको बसलाई बिहान करिब साढे तीन बजेतिर भरतपुर महानगरपालिका वडा नम्बर २९ सिमताल भन्ने स्थानमा लेदो माटोसहितको पहिरोले बगाएर त्रिशूली नदी किनारमा खसालेको हो ।
ती दुई बसमा गरेर करिब ६५ जना यात्रु रहेको प्रारम्भिक अनुसन्धानमा खुलेको छ । गौर जाँदै गरेको गणपति डिलक्स बसका तीन जना यात्रुहरुले पनि हामफालेर ज्यान जोगाएका छन् ।
सो घटनामा प्रधानमन्त्री पुष्पकमल दाहाल ‘प्रचण्ड’ले समेत दुःख व्यक्त गर्दै खोज तथा उद्धार कार्यलाई तीव्रता दिन निर्देशन दिएका छन् । नारायणगढ-मुग्लिन सडकखण्डको सिमलताल क्षेत्रमा सशस्त्र प्रहरीसहितका सुरक्षाकर्मीले खोज तथा उद्धार कार्य जारी राखेका हुन् ।
![](https://www.makalukhabar.com/wp-content/uploads/2023/10/Final-icon-Logo-2023.png)