कोशी सरकार नागरिकको सुरक्षाप्रति संवेदनशील छ : मन्त्री अधिकारी

मोरङ । कोशी प्रदेशका आन्तरिक मामिला तथा कानुनले प्रदेश सरकार नागरिकको सुरक्षाप्रति संवेदनशील रहेको बताएका छन् ।

आज मोरङको सुनवर्सी नगरपालिकाको संयोजनमा वडा नं १ स्थित केचनामा अस्थायी प्रहरी चौकीको उद्घाटन गर्दै उनले चौकी स्थापनाबाट यस क्षेत्रमा शान्ति सुरक्षा कायम हुने विश्वास व्यक्त गरे । मन्त्री अधिकारीले आगामी एक वर्षभित्र चौकीलाई स्थायी बनाउने प्रतिबद्धता व्यक्त गरे ।

खानेपान, सिँचाइ तथा ऊर्जामन्त्री एकराज कार्कीले सुरक्षा चौकी स्थापनाबाट यस क्षेत्रमा राज्यको उपस्थिति रहनुका साथै जनताले सुरक्षाको अनुभूति गर्ने विचार राखे । प्रदेश प्रहरी कार्यालयका प्रमुख प्रहरी नायब महानिरीक्षक चन्द्रकुवेर खापुङले जनताको मागअनुसार चौकी स्थापना गरिएको बताए ।

सुनसरीबर्सी नगरपालिकाका प्रमुख श्यामप्रसाद राजवंशी, वडाध्यक्ष वीरबहादुर राईले र जिल्ला प्रहरी कार्यालय मोरङका प्रमुख प्रहरी उपरीक्षक सुमन कार्कीले लागूपदार्थ दुर्व्यसन नियन्त्रण, अपराधीक घटना न्यूनीकरण र शान्ति सुरक्षा कायम राख्न नागरिकको सहयोग आवश्यक रहेको विचार व्यक्त गरेका थिए ।

यस क्षेत्रका जनताले वि.सं २०६५ देखि चौकी स्थापनाका लागि माग गर्दै आएका थिए । चौकी स्थापनासँगै भारतीय सीमावर्ती सिक्टी नाकाबाट हुने चोरी निकासी र लागूपदार्थ ओसारपसार नियन्त्रणमा चौकी उपयोगी हुने स्थानीयवासीको भनाइ छ ।