राम्रो काम गर्दागर्दै बाहिरिनुपरेको प्रचण्डको ब्रिफिङ
![](https://www.makalukhabar.com/wp-content/uploads/2023/10/Final-icon-Logo-2023.png)
![राम्रो काम गर्दागर्दै बाहिरिनुपरेको प्रचण्डको ब्रिफिङ](https://www.makalukhabar.com/wp-content/uploads/2024/03/prachand-new-.jpg)
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पार्टी केन्द्रीय कार्यालयको बैठकमा वर्गीय सम्बन्ध कमजोर बनेको बताएका छन् ।
शुक्रबार बसेको बैठकमा प्रचण्डले कमजोर बनेको वर्गीय सम्बन्धलाई सुधार गर्ने मौका माओवादीले अहिले पाइरहेको बताएका हुन् । प्रचण्डले भ्रष्टाचारको विरुद्धमा, सुशासनको पक्षमा, जनतालाई सेवा प्रवाहको क्षेत्रमा र कूटनैतिक क्षेत्रमा राम्रो काम गर्दागर्दै सरकारबाट बाहिरिनु परेको बैठकमा ब्रिफिङ गरेका थिए ।
उनले बैठकमा भने- ‘हामीले सरकारमा रहेर भ्रष्टाचारको विरुद्धमा, सुशासनको पक्षमा, जनतालाई सेवा प्रवाह गर्ने पक्षमा, कूटनैतिक क्षेत्रमा हामीले निकै राम्रो पहलकदमी लिएका थियौं । त्यो पहल कदमी लिँदालिँदै समीकरण परिवर्तन गरियो ।’
अध्यक्ष प्रचण्डको ब्रिफिङपछि पार्टी वरिष्ठ उपाध्यक्ष नारायणकाजी श्रेष्ठ, सचिव चक्रपाणि खनाल, हितराज पाण्डे, प्रवक्ता सापकोटा, उपमहासचिव वर्षमान पुन र राम कार्कीले आ–आफ्नो धारणा राखेको पनि प्रवक्ता सापकोटाले बताए ।
प्रवक्ता सापकोटाका अनुसार नेताहरूले अब माओवादी रूपान्तरण र शुद्धीकरणको बाटोमा जानु जरुरी रहेको धारणा राखेका थिए ।
नेताहरूले धारणा राख्ने क्रम जारी रहेकोले बैठक आजपनि जारी रहने सापकोटाले जानकारी दिएका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)