देउवाको शरीर मात्रै एमालेतिर हो, मन हामीसँगै छ : माधव नेपाल
![](https://www.makalukhabar.com/wp-content/uploads/2023/10/Final-icon-Logo-2023.png)
![देउवाको शरीर मात्रै एमालेतिर हो, मन हामीसँगै छ : माधव नेपाल](https://www.makalukhabar.com/wp-content/uploads/2024/06/madhav-mk.png)
काठमाडौं । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले काँग्रेस सभापति शेरबहादुर देउवालाई एमालेसँगको सत्ता सहकार्यबारे पुनर्विचार गर्न आग्रह गरेका छन् ।
देउवाको शरीर एमालेतिर भएपनि भावना आफूहरुसँग रहेको जिकिर गर्दै अध्यक्ष नेपालले सत्ता सहकार्य राम्रो मनसायले भएको को कि होइन ? भनेर बुझ्नुपर्ने बताएका हुन् ।
पुष्पलाल स्मृति प्रतिष्ठानले शनिवार काठमाडौंमा आयोजना गरेको कार्यक्रममा देउवालाई आफूले बोलाएको जानकारी दिँदै उनले केपी ओलीले नकारात्मक रुपमा लिन्छन कि भनेर उत्तालिएको हुनसक्ने टिप्पणी पनि गरे ।
अध्यक्ष नेपालले सत्तारुढ दलप्रति लक्षित गर्दै संविधानमाथि आघात पुर्याउने कुनैपनि सैह्य नहुने बताए । उनले संविधान संशोधन जस्तो विषयलाई गुपचुपमा गर्न नसकिनेतर्फ पनि काँग्रेस एमालेलाई सचेत गराए ।
‘नेपाली काँग्रेसका सभापति शेरबहादुर देउवाजीलाई पनि बोलाएका थियौं । शेरबहादुरजी आत्तिनुभएको होला । यहाँ आयो भने केपी ओलीले फेरि नकारात्मक रुपमा लिन्छन् कि भन्ने ठान्नुभएको होला,’उनले भने, ‘हामी बुझ्दछौं यी सबै कुराहरु । यो मुटुको धड्कन अलिअलि बुझिहालिन्छ । त्यसो हुनाले केही फरक पर्नेवाला छैन । शेरबहादुर जी तपाई आउन नपाए पनि तपाईको भावना हामीसँग छ भन्ने ठानेका छौं । शरिर त्यहीँ छ, मन यतापट्टी छ ।’
अध्यक्ष नेपालले समाजवादी मोर्चालाई अघि बढाउनका लागि जरुरी रहेको उल्लेख गर्दै त्यसमा पहल गर्र्ने काम आफूले गरिरहेको बताए ।
![](https://www.makalukhabar.com/wp-content/uploads/2023/10/Final-icon-Logo-2023.png)