काभा महिला भलिबलको उपाधिका लागि भारतसँग भिड्दै नेपाल

काठमाडौं । काभा महिला भलिबल नेसन्स लिगको फाइनलमा आज नेपालले भारतको सामना गर्दैछ । नेपाल र भारतबीको फाइनल खेल त्रिपुरेश्वरस्थित राष्ट्रिय खेलकुद परिषदको कभर्ड हलमा साँझ ५ बजेबाट सुरु हुनेछ ।

मंगलबार भएको दोस्रो सेमिफाइनल भिडन्तमा नेपालले इरानलाई ३-० को सोझो सेटमा हराएको हो भने भारत पनि श्रीलंकालाई सोझो सेटमा हराउँदै फाइनलमा‌ प्रवेश गरेको थियो । नेपालले लिग चरणको खेलमा दक्षिण एसियाली जाइन्ट भारतलाई ३–२ को सेटमा पराजित गर्दै नेपालले ऐतिहासिक जित निकालेको थियो ।