चर्च ब्वाइजविरुद्ध पारोले फर्कायो गोल

काठमाडौँ । सहिद स्मारक ए डिभिजन लिग विजेता चर्च ब्वाइज युनाइटेड क्लब र भुटानको लिग च्याम्पियन पारो फुटबल क्लबबीचको खेल सुरु भएको छ ।

एएफसी च्यालेञ्ज लिगको प्रारम्भिक चरणका लागि त्रिपुरेश्वरस्थित दशरथ रङ्गशालामा अहिले साँझ ६ बजेदेखि खेल सुरु भएको हो ।

खेलको दोस्रो चरण चलिरहँदा दुबै टोलीले एक एक गोल गरेका छन् ।

अनन्त तामाङको कप्तानीको चर्च ब्वाइज युनाइटेड टोली सदस्यमा टोलीमा कप्तान अनन्तसँगै गोलकिपर दीप कार्की, अञ्जन विष्ट, छिरिङ लामा, सनिश श्रेष्ठ, लकेन लिम्बू, आयुष घलान, ओमोलाजा करिम, पिटर बन्दा, मोसेस न्याबा र एरिक विष्ट रहेका छन् ।