एक्सन चलचित्र ‘१२ गाउँ’ को टिजर सार्वजनिक (भिडिओ)

काठमाडौं । अभिनेता विराज भट्टाको निर्देशनमा रहेको नेपाली चलचित्र ‘१२ गाउँ’ को  टिजर सार्वजनिक भएको छ ।

टिजरले अत्याचारी शासकविरुद्ध लड्न एक परिवर्तनकारी योद्धाले लडेको लडाइँको कथा यसमा समेटिएको छ । यसमा चलचित्रका मुख्य कलाकार समीर भट्टलाई परिवर्तनकारी योद्धाका रुपमा बन्दुक बोकेको देख्न सकिन्छ ।  टिजरमा एक्सनलाई बढी प्राथमिकता दिएको छ । विराज र समीरको एक्सनलाई  टिजरमा समेटिएको छ ।

‘१२ गाउँ’ समीरको पहिलो अभिनय रहेको चलचित्र हो । उनले यसमा योद्धामा हुनु पर्ने गुणको झलक देखाएका छन् । ट्रेलरमा साउथ फिल्मीको जस्तै झलक देखाइएको एक्सन झलकहरू पनि देख्न सकिन्छ ।

पूर्वमिस नेपाल इन्टरनेसनल न्यान्सी खड्का र मोडल सनिशा भट्टराई पनि झलकमा देखिएका छन् ।

उक्त चलचित्रमा विराज, समीर, न्यान्सी र सनिशाका अलवा मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहनेछ ।

असोज २४ गते फूलपातीका दिन प्रदर्शन हुने चलचित्रका फिल्म प्रोडक्सन विराज भट्ट रहेका छन् ।