प्रधानमन्त्री ओली र देउवाबीच भेटवार्ता

काठमाडौँ । आज प्रधानमन्त्री केपी शर्मा ओली र नेपाली कांग्रेसका सभापति तथा पूर्व प्रधानमन्त्री शेरबहादुर देउवाबीच भेटवार्ता भएको छ ।

शनिवार प्रधानमन्त्री ओली आफ्नो सामाजिक सञ्जाल फेसबुकमार्फत उक्त जानकारी दिएका हुन् ।

प्रधानमन्त्री ओलीले राजनीतिक विमर्श र केही जानकारीहरू आदानप्रदान भएको बताएका छन् । उनले सरकारले गरिरहेका र गर्नु पर्ने कामका विषयमा पनि कुरा भएको जानकारी दिए ।