सभापति लामिछाने ७ वटै प्रदेशमा पुग्ने, राष्ट्रिय भेला असोज १ र २ गते

काठमाडौं । राष्ट्रिय स्वतन्त्र पार्टी रास्वपाले पार्टीको राष्ट्रिय भेला आयोजना गरेको छ ।

राष्ट्रिय भेला असोज १ र २ गते काठमाडौंमा हुने रास्वपाका कार्यवाहक प्रवक्ता मनिष झाले मकालुखबरलाई जानकारी दिए ।

राष्ट्रिय भेला अगाडी सबै प्रदेश र कमिटीलाई जानकारी गराउने र त्यसका लागि सभापति रवि लामिछाने खटिने उनले बताए ।

‘असोज १ र २ गते काठमाडौंमा पार्टीको राष्ट्रिय भेला हुँदैछ,’उनले भने ‘त्यसको तयारीका लागि र भेलाको उद्देश्यबारे जानकारी दिन सभापति ७ वटै प्रदेशमा पुग्नुहुनेछ ।’

सभापति लामिछाने ७ वटै प्रदेशमा पुग्ने तालिका रहेको उनले जानकारी दिए ।