संसदको वर्षे अधिवेशन अन्त्य गर्न सरकारको सिफारिस
मकालु खबर २०८१ भदौ ३० गते
काठमाडौं । सरकारले संसद अधिवेशन अन्त्यको सिफारिस गरेको छ ।
मन्त्रिपरिषद्को आइतबार बसेको बैठकले भोलि सोमबार मध्यरातदेखि अधिवेशन अन्त्यका लागि सिफारिस गरेको एक मन्त्रीले जानकारी दिए ।
संसदमा प्रमुख विपक्षी नेकपा माओवादी केन्द्रले नाराबाजी गर्दै आएको छ ।
माओवादीको अवरोधका कारण आजका लागि बोलाइएको बैठक पनि स्थगित भएको छ । बैठक भोलीका लागि फेरी बोलाइएको छ ।
भोलीको बैठकमा प्रधानमन्त्री केपी शर्मा ओलीले संसदमा सम्बोधन गर्ने तयारी गरेका छन् ।
सङ्घीय संसद्को चालू अधिवेशन गत वैशाख २८ गते सुरु भएको थियो ।
मकालु खबर २०८१ भदौ ३० गते
प्रतिक्रिया
सम्बन्धित
