ट्युनिसियाका राष्ट्रपति काइस सइद पुनः राष्ट्रपतिमा निर्वाचित

काठमाडौं । ट्युनिसियाका राष्ट्रपति काइस सइद राष्ट्रपति चुनावमा पुनः निर्वाचित भएका छन् । ९०.६९ प्रतिशत मतसहित उनि दोस्रो कार्यकालका लागि पुनः निर्वाचित भएका हुन् ।

देशको स्वतन्त्र उच्च निर्वाचन प्राधिकरणले सोमवार सो घोषण गरेको हो । सईदले २४ लाख २८ हजार ९५४ मत प्राप्त गरे ।

उम्मेद्वार अयाची जम्मेलले ७.३५ मत प्राप्त गरे । अर्का उम्मेद्वार जोहाइर मगजाउईले १.९७ प्रतिशत मत प्राप्त गरे । राष्ट्रपति चुनावको अन्तिम नतिजा नोभेम्बर ९ सम्ममा घोषणा गरिने बताइएको छ ।

ट्युनिसियाले हरेक पाँच वर्षमा राष्ट्रपतिको निर्वाचन गर्छ । ६६ वर्षीय सइद २०१९ मा आफ्नो निर्वाचन भएदेखि नै पदमा छन् ।