इजरायलमा हिजबुल्लाहको ड्रोन आक्रमण : ४ सैनिकको मृत्यु,६० बढी घाइते

काठमाडौं । उत्तरी इजरायलमा रहेको सैन्य आधार शिविरमा भएको ड्रोन आक्रमणमा ४ सैनिकको मृत्यु भएको छ । ड्रोन आक्रमणमा ६० भन्दा बढी घाइते भएका छन् । इजरायलको रक्षा बल (आईडीएफ) ले यसबारेमा जानकारी दिएको छ ।

उत्तरी इजरायलको हाइफा शहरबाट ३३ किलोमिटर टाढा रहेको बिन्यामिन नजिकैको आधार शिविरमा आक्रमण गरिएको आईडीएफले जनाएको छ।

आक्रमणमा ६१ जना घाइते भएकामा ३७ जनालाई एम्बुलेन्स वा हेलिकप्टरबाट ८ क्षेत्रीय अस्पतालमा लगिएको छ । हिजबुल्लाहले आक्रमणको जिम्मेवारी लिएको छ ।