बीपी राजमार्गमा २४सै घण्टा सवारी चल्न थाले

काठमाडौं । बीपी राजमार्गमा अब २४ घण्टा नै यातायात सञ्चालन हुने भएको छ । सडक डिभिजन कार्यालय भक्तपुरले बुधबार सार्वजनिक सूचना जारी गर्दै राजमार्गमा २४ घण्टा नै यातायात सञ्चालनमा आएको जनाएको हो ।

नयाँ ट्र्याक खोलिएको ठाउँमा मर्मत कार्य चलिरहेकोले असोज ३० गते साँझ ६ देखि बिहान ४ बजेसम्म सडक बन्द गरिएको थियो ।

गत असोज १० देखि १२ गतेसम्मको अविरल वर्षापछि आएको बाढीपहिरोले भकुण्डेबेंसी-बर्षेखोला खण्डको ८ किलोमिटरभन्दा बढी सडक पूर्ण रूपमा बगाएपछि नयाँ ट्र्याक बनाएर यात्रुवाहक सवारी साधनका लागि मात्र आवागमन खुलाइएको छ । उक्त राजमार्गमा जोखिम भने कायमै छ ।