रवि लामिछानेलाई थप ७ दिन हिरासतमा राख्न अनुमति
मकालु खबर २०८१ कार्तिक ८ गते
काठमाडौं । सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई थप ७ दिन हिरासतमा राख्न अनुमति दिइएको छ ।
जिल्ला अदालत, कास्कीका न्यायाधीश चन्द्रकान्त पौडेलको इजलासले लामिछानेलाई थप ७ दिन हिरासतमा राख्न अनुमति दिएको हो ।
लामिछाने कात्तिक २ गते शुक्रवार पक्राउ परेका थिए । अदालतले उनलाई पहिलो पटक ६ दिनको म्याद थपेको थियो ।
लामिछानेमाथि सूर्यदर्शन बचत तथा ऋण सहकारीको सहकारी ठगी तथा सङ्गठित अपराधसम्बन्धी मुद्दा सम्बन्धमा थप अनुसन्धान भइरहेको छ ।
मकालु खबर २०८१ कार्तिक ८ गते
प्रतिक्रिया
सम्बन्धित
