भुटानलाई हराउँदै बंगलादेश फाइनलमा,नेपाल र भारतबीचको विजेतासँग भिड्ने
मकालु खबर
काठमाडौं । बंगलादेश नेपलमा जारी साफ महिला च्याम्पियनसिप २०२४ को फाइनलमा प्रवेश गरेको छ । त्रिपुरेश्वरस्थित दशरथ रंगशालामा आइतबार भएको पहिलो सेमिफाइनलमा बंगलादेशले भुटानलाई ७/१ गोल अन्तरले हराउँदै दोस्रो पटक फाइनलमा प्रवेश गरेको हो ।
सन् २०१६ मा पहिलो पटक फाइनल पुग्दा भारतसँग पराजित भएको बंगलादेशले २०२२ मा काठमाडौं भएको साफमा नेपाललाई हराएर उपाधि जितेको थियो ।
बंगलादेशले अब फाइनलमा नेपाल र भारतबीच हुने दोस्रो सेमिफाइनलको विजेतासँग खेल्नेछ । दोस्रो सेमिफाइनल आजै साढे ६ बजे हुनेछ । बंगलादेशको जीतमा तोहुरा खातुनले ह्याट्रिक गरिन् ।
पहिलो हाफमा तोहुरा र कप्तान सबिना खातुनले दुई/दुई गोल गर्दा रितु पोर्ना चक्माले एक गोल गरेकी थिइन् । तोहुराले दोस्रो हाफमा एक गोल थप्दै ह्याट्रिक पूरा गरिन् । पहिलो हाफमा भुटानले पनि एक गोल फर्कायो । ४१ औं मिनेट भुटानकी फरवार्ड देकी लाजोमले गोल गरिन् ।
मकालु खबर
