एमालेकै मान्छे बालेन र रविको कोर टिममा छन् : सञ्चारमन्त्री

काठमाडौँ । सञ्चार तथा सूचना प्रविधिमन्त्री पृथ्वी सुब्बा गुरुङले एमालेकै मान्छेहरूले फरक पार्टी र व्यक्तिलाई समर्थन गर्ने गरेको आरोप लगाएका छन् ।

सञ्चारमन्त्री गुरुङले एमाले नेता कार्यकर्ताकै छोराछोरीले रवि लामिछाने र बालेन शाहलाई समर्थन गरिरहेको बताएका हुन् ।

काठमाडौँमा आयोजित एक कार्यक्रममा गुरुङले एमालेकै नेताका छोराछोरी फरक पार्टी र फरक व्यक्तिको पछि लागेको बताए ।

‘हाम्रा छोराहरू, हाम्रा छोरीहरू रवि लामिछानेको पछि लागिरहेका छन्,’उनले भने ‘हाम्रा छोराछोरी बालेनको साइबर ग्रुपमा छन्, अनि हाम्रो पार्टीको विरुद्धमा, प्रधानमन्त्रीको विरुद्धमा लेख्छन् ।’