हङकङ सिक्सेस : पाकिस्तानलाई हराउँदै श्रीलंकाले चुम्यो उपाधि

काठमाडौं । पाकिस्तानलाई हराउँदै हङकङ इन्टरनेसनल सिक्सेस-२०२४ को उपाधि श्रीलंकाले जितेको छ । श्रीलंकाले आइतबार दिउँसो भएको फाइनलमा पाकिस्तानलाई तीन विकेटले हराउँदै गर्दै उपाधि चुमेको हो ।

पहिले ब्याटिङ गरेको पाकिस्तानले सबै विकेट गुमाएर ७२ रन बनाएको थियो । पाकिस्तानका ओपनर मुहम्मद अखलकले ४८, कप्तान फाहीम असर्फले १३ र आमेर यामिनले ६ रन बनाएका थिए । श्रीलंकाका थारिन्दु रत्नायके र धनन्जय लक्सनले दुई/दुई तथा निमेष विमुक्थी र लिहुरु मधुसनकाले एकरएक विकेट लिए ।

पाकिस्तानले दिएको ७३ रनको लक्ष्य श्रीलंकाले तीन विकेट गुमाएर ५ ओभरमै पूरा गरेको थियो । श्रीलंकाका सन्दुन विराक्कोदीले ३४, लिहिरु मधुसनकाले १९, थारिन्दु रत्नायकेले १६ रन बनाए । पाकिस्तानका फाहीम असर्फ र हुसैन तलातले एक/एक विकेट लिएका थिए ।