चलचित्र ‘ह्रस्व दीर्घ’को ट्रेलर सार्वजनिक [भिडिओ]

काठमाडौं । यही कार्तिक ३० गतेदेखी प्रदर्शनमा आउन लागेको चलचित्र ‘ह्रस्व दीर्घ’को ट्रेलर सार्वजनिक भएको छ । नेपाली र भारतीय फिल्मका चर्चित कलाकारहरू अभिनीत चलचित्र ‘ह्रस्व दीर्घ’को बुधबार एक कार्यक्रमबाबीच ट्रेलर सार्वजनिक भएको हो । ट्रेलरमा लभ,इमोशन र एक्सन देखाइएको छ ।

ट्रेलर सार्वजनिक कार्यक्रममा बोल्दै अभिनेत्री निता ढुंगानाले आफूले भन्दा पनि फिल्मले बोल्ने बताइन् । उनले दुई/दुई वर्ष लगाएर चलचित्र बनाएको र दर्शकको कृपाले राम्रो हुने बताइन् ।

अभिनेता हरिहर अधिकारीले दर्शकको साथ र सहयोगले मात्रै आफूलाई अभिनयमा सन्तुष्टि मिल्ने बताए । चलचित्रमा मेहनत गरेको र दर्शकले फिल्मले बाँकी कुरा बोल्ने बताए ।

चन्द्र पन्तले निर्देशन गरेको चलचित्र ह्रस्व दीर्घमा नीता ढुंगाना,हरिहर अधिकारी,प्रदीप रावत, ब्रह्मानन्दम, विपना थापा, सुनील वर्मा, कबीर दुहान, रेखा थापा, सरोज खनालको अभिनय रहेको छ ।

यस्तै चलचित्रमा सञ्चिता लुईँटेल, किरण केसी, रवीन्द्र झा, गरिमा शर्मा, बुद्धि तामाङ, निर्मल शर्मा, प्रशान्त ताम्राकार लगायत कलाकारहरूको पनि अभिनय रहेको छ।

नीता फिल्म्सको प्रस्तुति रहेको फिल्मको निर्मात्री नीता ढुंगाना हुन्। चलचित्रका कार्यकारी निर्माता धनन्जय गलानी हुन् । कथा र पटकथा हरिहरको रहेको चलचित्रको संवाद प्रतिक पौडेलले लेखेका हुन् । चलचित्रलाई बलिउडका चर्चित सिनेमाटोग्राफर कवीरलालले खिचेका हुन् ।