नेपालद्धारा थाइल्याण्डसमक्ष १४० रनको लक्ष्य प्रस्तुत

काठमाडौं । आईसीसी १९ वर्ष मुनिको महिला टी २० विश्वकप एसिया छनोट अन्तर्गत नेपालले थाइल्याण्ड समक्ष १ सय ४० रनको लक्ष्य प्रस्तुत गरेको छ ।

टस जितेर पहिले ब्याटिङ गरेको नेपालले २० ओभरमा ९ विकेट गुमाएर १ सय ३९ रन बनाएको हो । नेपालका लागि ओपनर सना प्रवीणले ४६ बलमा ७ चौका सहित ५३ रनको अर्धशतकीय पारी खेलिन् ।

साबित्री धामीले ३६ बलमा २८ रन बनाउँदा सोनी पाख्रिनले १० बलमा  १९ रन बनाइन् । थाइल्याण्डका लागि नथारिका ठोकोइले ४ ओभरमा ३१ रन दिएर ३ विकेट लिइन् । केसिनी कैजुम्फोलले २ विकेट लिँदा कोरानित सुवाञ्चोनराथीले १ विकेट लिइन् ।

यसअघि थाइल्याण्डसंको पहिलो खेलमा नेपाल विजयी भएको थियो ।