सवारी चालकको चाबी खोस्ने कार्यविरुद्धको रिटमा कारण देखाऊ आदेश

काठमाडौं । ट्राफिक प्रहरीले सवारी चालकको चाबी खोस्ने कार्यविरुद्ध दायर रिटमा उच्च अदालत पाटनले कारण देखाऊ आदेश जारी गरेको छ । न्यायाधीश टंकप्रसाद गुरुङ्गको एकल इजलासले आइतबार उक्त आदेश गरेको हो ।

अदालतले मंसिर ३ गते दुवै पक्षलाई छलफलमा समेत बोलाएको छ । प्रहरीले सवारी चालकको गाडीको चाबी खोस्ने जस्तो कार्य गैरकानुनी भन्दै विवेक चौधरीले पाटन उच्च अदालतमा रिट दायर गरेका थिए ।