स्टार स्पोर्ट्स टिभिले एनपिएलको प्रत्यक्ष प्रशारण गर्ने

काठमाडौं । स्टार स्पोर्ट्स टेलिभिजनबाट नेपाल प्रिमियर लिग (एनपिएल) को प्रत्यक्ष प्रशारण हुने भएको छ ।नेपाल क्रिकेट संघ (क्यान)ले शुक्रवार एक कार्यक्रमको आयोजना गर्दै यसबारेमा जानकारी दिएको हो ।

नेपाल क्रिकेट संघ (क्यान) को आयोजनामा आउँदो मंसिर १६ देखि पुस ६ गते सम्म कीर्तिपुरस्थित त्रिवि मैदानमा नेपाल प्रिमियर लिग (एनपिएल) सञ्चालन हुँदै छ । एनपिएलमा ८ टोलीको सहभागितमा रहनेछ ।

प्रतियोगितामा सुदूरपश्चिम रोयल्स,लुम्बिनी लायन्स,कर्णाली याक्स,चितवन राइनोज,काठमाडौं गुर्खाज,पोखरा एभेन्जर्स,विराटनगर किंग्स र जनकपुर बोल्ट्सले सहभागिता जनाउने छन् ।