काँग्रेसबाट कृष्णमान डङ्गोलले गराए कीर्तिपुरको मेयरमा उम्मेदवारी दर्ता
मकालु खबर २०८१ मंसिर २ गते
काठमाडौँ । मङ्सिर १६ गते हुने स्थानीय तहको उपनिर्वाचनका लागि कीर्तिपुर नगरपालिकामा नेपाली काँग्रेसले उम्मेदवारी दर्ता गरेको छ ।
नेपाली काँग्रेसबाट कृष्णमान डङ्गोलले उम्मेदवारी दर्ता गराएका हुन् ।
यस्तै कीर्तिपुर नगरपालिका १ नम्बर वडा अध्यक्षमा काँग्रेसबाट इच्छा महर्जन र ४ नम्बर वडा अध्यक्षमा राजेन्द्र बानियाँले उम्मेदवारी दर्ता गराएका छन् ।
उनीहरूको उम्मेदवारी दर्ताका क्रममा स्थानीय कार्यकर्ताले बाक्लो सहभागिता थियो ।
काँग्रेस महामन्त्री विश्वप्रकाश शर्मा लगायतका नेताहरू निर्वाचन अधिकृतको कार्यालय पुगेका थिए । मनोनयन दर्ता गर्ने समय साँझ ५ बजेसम्म तोकिएको छ ।
मकालु खबर २०८१ मंसिर २ गते
प्रतिक्रिया
सम्बन्धित
