गोरेचौतारामा दुई बस एक आपसमा ठोक्किँदा २९ जना घाइते
मकालु खबर २०८१ मंसिर २ गते
तनहुँ । पृथ्वी राजमार्गअन्तर्गत तनहुँको बन्दीपुर गाउँपालिका–५ नयाँ पुल गोरेचौतारामा आज दिउँसो दुई वटा बस ठोक्किदा २९ जना यात्रु घाइते भएका छन् ।
गण्डकी जिएए ००७० नम्बरको बस र भे १ ख ३४८७ नम्बरको बस एक आपसमा ठक्कर खाँदा २९ जना घाइते भएका जिल्ला प्रहरी कार्यालय तनहुँले जनाएको छ ।
घाइतेमध्ये पाँच जनाको अवस्था गम्भीर रहेको जिल्ला प्रहरी कार्यालयका प्रहरी नायब उपरीक्षक एवम् सुचना अधिकारी अशोक थापाले मकालुखबरलाई जानकारी दिए ।
सुचना अधिकारी थापाका अनुसार गम्भीर घाइते पाँच जनालाई थप उपचारका लागि चितवनको सिएमसी अस्पताल पठाइएको छ ।
बसमा च्यापिएका यात्रुलाई मुग्लिन पोखरा सडक योजनाको डोजरको सहयोगमा उद्धार गरिएको छ ।
हाल घाइतेहरूको डुम्रेस्थित लक्ष्मी अस्पतालमा उपचार भइरहेको प्रहरीले जनाएको छ ।
मकालु खबर २०८१ मंसिर २ गते
प्रतिक्रिया
सम्बन्धित
