एनपिएल : उद्धघाटन खेलमा सन्दीप र आसिफको टिम भिड्ने

काठमाडौं । यही मंसिर १५ गते देखी सुरु हुने नेपाल प्रिमियर लिग (एनपिएल)को उद्धघाटन खेलमा विराटनगर किङ्ग्स र जनकपुर बोल्ट्स भिड्ने भएका छन् ।

नेपाल क्रिकेट संघ (क्यान) ले सोमबार सार्वजनिक गरेको खेल तालिका अनुसार उद्घाटन खेलमा सन्दीप लामिछाने (मार्की खेलाडी)को विराटनगर किंग्स र आसिफ शेख (मार्की खेलाडी) को जनकुपर बोल्ट्सबीच खेल हुने भएको हो ।

उक्त खेल त्रिवि क्रिकेट मैदान कीर्तिपुरमा शनिवार १२ः१५ मा हुनेछ । एनपिएल पुस ६ गतेसम्म सञ्चालन हुने छ । एनपिएलमा ८ टोलीको सहभागितमा रहनेछ ।

प्रतियोगितामा सुदूरपश्चिम रोयल्स, लुम्बिनी लायन्स, कर्णाली याक्स, चितवन राइनोज, काठमाडौं गुर्खाज, पोखरा एभेन्जर्स, विराटनगर किंग्स र जनकपुर बोल्ट्सले सहभागिता जनाउने छन् ।

हेर्नुहोस् खेल तालिका