उपनिर्वाचनमा माओवादीले खोल्यो खाता, रुकुममा एमालेका उम्मेदवार पछि हटे

काठमाडौं । नेकपा माओवादी केन्द्रले स्थानीय तहको उपनिर्वाचनमा खाता खोलेको छ ।

रुकुम पूर्वको पुथा उत्तरगंगा गाउँपालिका वडा नम्बर २ को वडाध्यक्षमा माओवादीका उम्मेदवार निर्विरोध निर्वाचित भएका हुन् ।

उक्त वडामा नेकपा एमालेका जीवन रोकाले उम्मेदवारी दर्ता गरेका थिए । तर, उनले आफ्नो उम्मेदवारी फिर्ता लिएर माओवादीका उम्मेदवार जगत घर्ती (काजु)लाई समर्थक गरेका हुन् ।

उनले उम्मेदवारी फिर्ता लिएसँगै पुथा उत्तरगंगा गाउँपालिका वडा नम्बर २ को वडाध्यक्षमा माओवादी निर्विरोध निर्वाचित भएको हो ।